Орталық Азия аймағында Өзбекстан «Қырық кісі бір жақ, қыңыр кісі бір жақтың» керін келтіріп отыратындығы белгілі. Әсіресе осы аймақтың көшбасшылығына келгенде таласы бар өзбек ағайын­ның қазаққа деген көзқарасы қыли­лау бола береді. Энергетика, су бойын­ша аяғымызға тұсау болып келген өзбектер бұл жолы экспортқа бағытталған жүк вагондарымыздың тізгініне қол салды. «Өзбек кеденшілері қазақстандық өнімдердің Экспортына жүйелі түрде кедергілер мен қиындықтар тудырып отырады», – деді осы аптада өткен Экспорттаушылар кеңесінің VI отырысында «Рахат» АҚ-тың президенті А.Попелюшко.